華裔小姐與香港先生

我好友是幼導盲犬寄養媽媽，最近我們跟朋友和狗狗在商場內相聚時，狗狗在商場內行走時備受注目，艾莉偷偷地跟我說⋯

莉：我覺得好似好威風咁⋯

媽：你覺得你威風定係狗狗威風呀？

莉：我覺得兩樣都係⋯

有一天小組去郊遊，行程之中當然不少得吃零食。正當妹妹在吃甜筒之際，P姨姨跟她說笑⋯

姨：（指著她的小肚腩）再食選唔到香港小姐㗎啦喎！

莉：我唔想做香港小姐喎⋯⋯（正當我們以為佢會有些Man D 嘅志願時）我想選華裔小姐喎！

估唔到佢咁有衝出香港的大志⋯

一早，在電梯內⋯

力：我尋晚發左個好搞笑嘅夢呀！

媽：咩夢嚟㗎？

力：我發夢唔係你去（做）家長義工，係爸B呀⋯⋯

力：不過唔駛再去啦，佢搓D紙碎做波，拋下拋下呀！

又真係個幾搞笑的夢！爸爸有時很貪玩，但又不至於如此搗蛋吧！

一天放學，弟弟告訴我當天學校發生的事⋯⋯

力：今日XXX（女仔名）瞓左響我呢道呀（指著自己的膊頭）！

力：佢當我係老公呀！

媽：咁你有冇叫佢老婆呀？

力：我叫佢「老婆」（跟住一拳打出去）

有一天在公園玩時，拾到一副眼鏡，戴在自己面上，然後得戚地义著腰說⋯

力：香港先生呀！

佢同艾莉真係志同道合且志向遠大⋯