Thursday, January 31, 2013

最搞笑三甲小電影

這兩晚我們有機會重溫我們以往拍下孩子的 video,很回味!看著看著,我選來了最搞笑三甲,不知你們是否同意?大可排一排你們的心水一二三名呢!





Tuesday, January 22, 2013

灰熊谷 vs 幸福摩天輪

正當迪迪尼在催谷其灰熊谷過山車時,妹妹卻見它太刺激而說不想玩。家姐是一個較adventurous的人,所以立即報說她卻想玩!爸爸聽到阿比的意願自然開心,因為我從來對過山車都沒有興趣。現在一人有一個女陪就大家 happy!

媽:爸B就同家姐去玩過山車,你就陪媽咪一齊等佢地玩完喇!
莉:好呀!
媽:咁可能等好耐架喎,我地等緊嘅時候做乜嘢好呢?
莉:咁,我地去坐幸福摩天輪囉!

哈哈,我的電視精女兒!不過真係好sweet! 但現實上我們要去另一個主題公園才可找到幸福摩天輪呢,技術上不可行也!

Wednesday, January 16, 2013

我與女兒們的價值觀的關係

之前因為工作的緣故,阿比有機會遇到一些未婚懷孕的姐姐們。席上,我心血來潮的問阿比什麼是領養,想不到她答得頗完整!

比:生父生母唔可以照顧我,就搵爸B媽咪照顧我。

當然我要再加強一生一世呢個概念,但她已可以說出重點,很安慰!

之後幾天,看電視時...

比:佢結左婚未架?
媽:佢未結婚架。
比:咁點解佢有BB嘅?
媽:你問左一個好好嘅問題呀!你記唔記得上次見到果班大肚姐姐呀?佢地咪就係未結婚就有BB,咪唔知點算,所以想睇下會唔會將BB安排領養囉!

我真的認為,我們可以祝福未婚懷孕的少女,但她們亦可以祝福了我們呢!很珍惜可以掌握任何機會討論,並幫女兒們 make sense of this world 及建立正向價值觀的機會。

最近另一次跟阿比討論社會現象的機會仍然是在看電視劇時...

比:佢地係咪結左婚喇,佢地係朋友定係老公老婆呀?
媽:佢地未結婚架。
比:咁點解佢地會一齊住嘅?
媽:係呀,有D人會一齊住但係又冇結婚架,不過既然想一齊住,點解唔結婚呢?
比:係咪唔結婚一齊住唔好架?
媽:結左婚先一齊住會好D囉。

我絕對覺得,父母要灌輸價值觀就是在她們那麼小時已經要做,可能幾年後她們不會再咁願意接收我們的意見...

不止阿比,艾莉也受著我們家的熏陶。昨晚,妹妹為著家姐祈禱...

莉:天父,家姐生父生母唔好搬屋喇,快D見到哥哥,奉主名求,亞門。

So sweet!我聽到也很感動,因為這些禱告不再只是出自當事人的口,而是妹妹的口,令人很興奮!領養是我們家不能分割的部份了!

Friday, January 11, 2013

Tick 的迷思


單元檢核表派下了,媽媽在看兩個女兒在學校的表現。悅兒拿著妹妹的檢核表數呀數,又拿自己的檢核表數呀數,終於興奮地得出一個結論...

悅兒:我叻過妹妹呀!我有 23 個 Tick,妹妹有 16 個咋!

照正路都應該是越多 tick 越叻,但幼稚園的檢核表上所有項目都是用 tick 去顯示,重點是那些 tick 是在那一個評分格吧!

Tuesday, January 08, 2013

可愛的女兒們

一日,媽媽放假,可以湊兩個女返學...
媽:今日想紥乜嘢辮呀?
比:蹺糸辮...
乜咁好學呀?滿腦子都係寫中文字!不過蹺糸辮係寫嘅,唔係紥嘅...

在我們家可以遠遠看到大埔新建的大型戶外觀音像... 一日,妹妹也看見了,指著問...
莉:果個邊個黎架?係咪牧羊人呀?牧羊人喺山上面看住D羊呀?
她最近也聽得多牧羊人去探望初生之耶穌以及大衞作牧羊人的故事了!不過在孩子眼中,一個別神像也可以看為是聖經故事裏的常見景象,真是妙極妙極!