Friday, November 23, 2012

兩姊妹對領養的嶄新體會

比:我唔想生BB,我想領養喎!
媽:點解你唔想生BB呀?
比:因為我怕好痛...


一晚我利用功夫熊貓2的故事去試妹妹明白領養有多少,亦借此機會教導妹妹領養是什麼來的。
媽:阿寶有兩個爸爸,好似家姐咁,有兩個爸爸,兩個媽媽。
妹:我都有兩個喎!
媽:你有一個爸爸,一個媽媽咋!
妹:點解?我要兩個爸爸媽媽,我要(被)領養!

對小孩子來說,兩個當然好過一個!不過她們對領養真的有好新的體會,好慶幸我們可以營造了一個如此正面看領養的氣氛!

M&M 姊妹傻氣笑語集(八)

一天早上,與妹妹在等電梯...

莉:媽咪你著高踭鞋呀?
媽:唔係呀,呢對唔係高踭鞋呀!
莉:但係你對鞋 kok kok 聲噃!(原來 kok kok 聲 = 高踭鞋)

跟住妹妹又在 dum 兩下她的波鞋...
莉:我對鞋 Bom Bom 聲喎!

真係好可愛的女兒...


最近阿比很喜歡說「我地講秘密,我唔話你知」。有一天晚飯時,她又在說自己有個秘密,卻極希望我去問她,正當我故意不問她令她心癢癢之際,冷不防妹妹一句...

莉:咁即係唔係一家人啦!

我好喜歡這個邏輯 -- 一家人係唔應該有秘密既 -- 不過究竟佢係從哪裡學呢?


有一晚我們拍拖,回家路上打電話給女兒們時,她們很緊張的告訴我們,房燈閃下閃下的。
比:房嘅燈又開又熄呀!
媽:佢可能壞咗啦,你地唔好再按啦!
比:咁會唔會爆炸㗎?^_^

雖然很傻,但很 cute!

比:芝士山隧道
莉:瑪麗亞醫院(最近學校在教耶穌降生的故事)

一晩妹妹吃水果時弄掉了一顆在地上,吃罷了我想叫妹妹自己收拾...
媽:妹妹,在學校吃茶點時,如果跌左落地你會唔會收拾架?
妹:我會架!
媽:咁如果你唔想弄污自己隻手就用張紙去執喇!
家姐聽到之後,就拿了張紙去幫她執。
妹:(立即說)K3 姐姐幫我執左喇!

真係服左佢!