Monday, October 22, 2012

醫治過去所引發的對話及覺醒

這個週末我去了一個醫治過去的成長營,講者把我們帶回到在媽媽肚裡的時代,出生時的情況。說起生產時的阻滯及醫療步驟可以是為日後的人生帶來了impact 時,我當然想起了妹妹。還記得阿比對自己一個月大發生的事的清楚陳述,所以我覺得妹妹可能也會對自己的出生經過有所記憶,所以我昨晚膽粗粗的問她...

媽:你記唔記得出世時有個拑架?
莉:記得!(為免她信口開河,我續問)
媽:咁係拑住你邊道呀?
(妹妹就用雙手捧住兩邊面頰 -- 根據當日助產士的講解及我的理解,那是非常真實的陳述...)
媽:個拑係暖定凍架?
莉:暖架。
媽:個拑夾得大唔大力架?
莉:大力架!
媽:咁你驚唔驚呀?
莉:唔驚!
媽:咁夾住你跟住點呀?(見佢答唔到,我再問) 有冇轉呀?
莉:有呀!(她就用手捧自己的面頰,轉了個 180 度背向我,繼續係非常寫實的陳述)
媽:咁果道係黑定光架?
莉:係黑嘅。
媽:無咗個拑之後有冇推呀?
莉:有呀。推下推下,一推 (她作狀推自己頸後) 就光喇!(我 O 哂咀...)
媽:咁光咗之後你有冇喊呀?
莉:冇 (佢的確唔係即時喊)
媽:咁之後呢?
莉:就放喺床囉!

又一次好驚嘆孩子的記憶!我們大人夠膽問,他們就會告訴你!

之後,阿比又加入在對話當中。我再問兩姊妹:出世嘅時候驚唔驚架?她們異口同聲的說:唔驚!我相信 (並放心了),艾莉出生時的阻滯,沒有對她造成太負面的陰影...

在成長營中除了我自身成長有反省及得著之外,我亦必然有不斷想起阿比 -- 這個在母腹中以及在頭幾個月都受了很多傷害的小 baby。我一直以為,作為她的領養媽媽,我可以用更多更多的愛去儘量彌補她以為的失去。但這個週末,神讓我明白到無論我如何努力去補足,她早年是的確失去了,我在她六歲時的彌補根本沒辦法彌補到她在頭一個月所失去的。我要做的,並不是自己去彌補,卻要帶領阿比去到神面前,認識祂,唯有耶穌才可以真正去醫治她當年的傷口... 這份覺醒,對我對阿比都很寶貴。



Wednesday, October 10, 2012

M&M姊妹傻氣笑語集(七)

我們用的牀單是麥嘜的圖案,一晚,阿比在認字...
比:春.田.花.花...乜嘢園呀?動物園呀?(其實又幾 logical嘅,成班豬呀鵝呀牛呀,仲唔係動物園?)
媽:咁你每日返邊道㗎?
比:返學。
媽:咁你返學係返乜嘢園吖?
比:... 動物園?
(唉,原來每個月千幾蚊送佢去動物園... 滴汗中...)

昨晚我們在討論蝸牛,妹妹說蝸牛慢呑吞...
比:食雲呑食得好慢呀!
可能對很多同齡的小朋友是很早就會很輕而易舉的事,但阿比可以做到 word play, 是另一個層次,值得感恩記念呢!,


上回講到妹妹在學校安慰哭道的同學仔...
媽:XX仲有冇喊呀?
莉:有呀?
媽:咁你有冇安慰佢呀?
莉:冇呀!
媽:㸃解你唔安慰佢呀?
莉:都冇用!
我相信她很快就體會到「人生中有很多事都是徒勞無功的」這道理!

昨日,我又問她...
媽:今日XX有冇喊呀?
莉:冇呀!
媽:咁好,咁係咪好開心呀?
莉:不過佢有「喊樣」...