麻婆豆腐妹妹

有一晚睡前在與妹妹解釋嫲嫲（祖母）同婆婆（外祖母）的分別⋯

媽：即係你將來既仔女會叫我婆婆，細佬既仔女會叫我嫲嫲囉！

莉：係架咩？咁如果佢地喺埋一齊叫你會點呢？（想下想下）嫲⋯婆⋯

媽：（失笑）豆腐呀？

這就是麻婆豆腐的由來？

神級對話

弟弟回家已三個月，一直看他進步，他越來越多話説，很興奮！有時，會出現一些神級對話⋯

一早上，外婆來到我們家⋯

我：呢個邊個來的？

力：（望住外婆，但沒回答）

我：你唔記得咩？佢係邊個呀？

力：唔知！（從他口角的微笑就知他並非不知道！我們只是驚訝這個兩歲都未夠的孩子會這樣開玩笑！）

家中傢俬因為為了給他騰出一間睡房而大執位。有天加力對我們房間的新書櫃很有興趣，拿了很多本出來看呀翻呀。

我：喂細佬，你搞乜野呀？

力：搞書書⋯

佢又無講錯，個樣仲好真誠添！不過佢咁正確的回答我那帶諷刺的問題就有點搞笑⋯

又忘了他做了什麼曳曳事⋯

我：邊個曳呀？

力：（很遲疑很小心）唔知⋯

我：係咪你曳呀？

力：⋯⋯

我：咁要同媽咪講乜野呀？

力：（又很遲疑很小心）唔知⋯

神級回答術，外甥多似舅！哈哈！

今早，我在沙發抱著弟弟肉緊地說⋯

我：你知唔知我好惜你㗎？

力：知喇⋯

一聽就知佢學左艾莉家姐的語氣！出自一個一歲多的孩子的口實在好搞笑⋯

很享受，跟他相處的時光。他常常給我很多驚喜。

窩心的兩對話

一天，阿比跟一友人姨姨傾偈，我只聽到下半部份，我估計對話應該如下：

比：點解你地冇小朋友嘅？

姨：天父冇俾我地囉！

比：咁你可以領養格！

姨：係，不過天父未call我地去做呀。

感恩她真的覺得領養是一件很好的事，而且是正常不過的事，所以會向身邊的人推介。

有一天兩母女在廁所內談心⋯

莉：我記得有一次我上廁所流眼淚時（註：這是她經常出現的反應），你叫我唔好喊！

媽：係呀？

莉：不過我知你同我講笑咋！

媽：梗係喇，如果你真係喊嘅話，我係唔會叫你唔好喊㗎，我會叫你想喊就喊出來喇！

莉：點解呀？

媽：因為如果唔開心想喊既時候，唔俾喊咪仲辛苦，所以喊出來係好㗎！

今天，忘了細佬為什麼哭起來，我聽到艾莉在安慰她⋯

莉：想喊就喊出來喇⋯

感動中⋯

唔駛駛錢動植物導賞團

今日是復活節假期最後一天，趁著大家都放假去了超低成本的生態遊 -- 太子雀仔街＋花墟＋旺角金魚街，讓孩子們可以看看動植物，也讓他們明白鳥籠狗屋也非牠們本應居住的地方。

臨走前還可以到花園街逛了一圈，替妹妹買了一對涼鞋呢！

笑料兩則：

一家店在舉行清貨大減價⋯

莉：大出血？流左好多血呀？

爸：你估邊個流血吖？

莉：⋯⋯

媽：賣到咁平，就梗係個店主流哂血啦！

比：媽咪，呢條係叫粥街呀？

抬頭一看街名，明哂！

在香港日行萬里路也可以增廣見聞呢！