Friday, July 19, 2013

妹妹笑話

早上醒來後,妹妹在打量我的額頭...
莉:你個額頭好滑,冇哂嘢,可以溜冰喎!
莉:(轉去跟爸爸說)你個額頭都可以溜冰啫!
爸:額頭好滑?唔係有火車軌咩?
媽:額頭用作行火車㗎!
莉:(數著數著)有六條火車缐呀!
由本來好sweet嘅畫面,變成很可悲的對白...

與妹妹看著下學期學校生活照片..
莉:我好貪靚架!
莉:同學C都好貪靚架!
媽:咁同學B呢?
莉:佢都貪靚架!
媽:咁同學S呢?
莉:佢唔貪靚,佢貪怪架!
@_@ 呀妹,你先至係貪怪果個啩!



Saturday, July 06, 2013

妹妹看世界

妹妹有時會投訴,某某同學常常望著她,她不喜歡。
媽:可能她覺得你好可愛,好靚,所以望住你呢!
有一次,在室內遊戲室與人有點意見不合,我在跟她討論其心情時,她又再提起這件事...
莉:就算我真係好靚,我都唔鍾意佢望住我㗎!
@_@ 我係咪用錯咗例子呢??

莉:果啲乜嘢茶嚟㗎?
媽:普洱。
莉:(驚奇地)你抱我?
媽:???
莉:抱你(普洱)呀!

爸:妹妹,你知唔知「阿門」即係乜呀?
莉:講完喇,唔同你講喇。
原來在妹妹心目中,阿門 = over/ roger =_=*

在馬鐵...
莉:媽咪呀,果個女人個樣好似男人咁嘅?
其實我真係好認同,仲要係似安德尊嘅男人㖭!超搞笑,不過也勁尷尬...