Monday, February 22, 2016

鬼馬加力語集

有時一家出動咁多人咁混亂,我們會坐的士。上到的士,加力會立即告訴司機我們的目的地⋯
力:唔該去我地屋企丫!
真係唔該曬!鬼知你屋企響邊呢?

「我愛你」這句說話是我家常聽到的。有一天⋯
媽:我愛你呀細佬!
力:我唔愛你,我愛我自己!
媽:你唔愛我我都會愛你!
咁細個就識得咁樣講,佩服!不過媽媽我也用全宇宙最強的一句回應 — 你沒辦法還擊了吧?

一天爸爸放工回家⋯
力:爸B,同我玩竹簽吖!
爸:我今日好攰呀⋯⋯
力:好啦爸B,我唔同你玩啦,我同家家玩啦!
為他咁懂事和可以講到咁清楚和長的句子而感動!

一晚臨睡前,我們在看兒童聖經⋯
力:耶穌係唔係講英文㗎?
Good observation! 雖然很多關於耶穌的影片中耶穌也是說英文的,但其實真正的耶穌是説阿蘭文的。

Wednesday, February 03, 2016

正爆三姊弟之語

這幾天弟弟感冒,昨早打了一個大噴嚏,鼻水直流。外婆立即替他拿紙巾時⋯
力:(一直在搖動他的頭)D鼻涕會郁嘅?
外婆立即飛撲去接住那些會郁的鼻涕⋯

一晚吃飯時,爸爸問女兒一條時事常識題⋯
爸:近來寨卡病毒讓很多人受感染,你知唔知道佢係靠乜野傳播嘅呢?乜野係佢既傳播媒體呢?
兩女兒有點疑惑⋯
比:新——聞——?
聽到我們大笑不止之後,隨即改答案⋯
比:蚊!
新聞傳播媒體!咁新聞又真的是一個傳播媒體來的,不過不是傳播病毒囉!

星期六妹妹上完英文班,告訴我在課堂上所做的獅頭手工⋯
莉:⋯師母⋯師母⋯師母⋯
我一直都奇怪獅頭跟師母有乜關係呢?原來她是指lion dance -- 獅舞!阿女,那是舞獅呀!


臨睡前,我請D女幫我從客廁拿弟弟的潤膚膏⋯
莉:乜野叫客廁呀?公廁呀?
希望你唔會把屋企的客廁搞到好似公廁咁樣吧⋯⋯

有天,我跟弟弟一起逛商場,拿起一件衣服,問弟弟⋯
媽:細佬,呢件衫好唔好睇呀?
力:正爆呀!(看完Inside Out中文版的效應)
謝謝這個fans的回應!望一望件衫,Awesome --正是「正爆」的意思!哈哈!


在公園曝曬地玩後⋯
莉:媽咪,我就黎變熟女喇!
😂😂😂😂😂😂😂😂😂