弟弟的神回

弟弟很多時半夜醒來便會移師到我們房間，睡在我們中間。一早上，婆婆問他⋯

婆：點解你尋晚來了爸B媽咪床瞓嘅？

力：因為我要陪爸B媽咪吖嘛！

其實係邊個陪邊個呢吓？

一家人睡前在討論誰是男仔女仔的問題⋯⋯

力：爸B有拮拮⋯⋯

莉：爸B係男仔，所以有拮拮鬍鬚，你第時大個都會有鬚㗎！

力：家家都會有鬚⋯

莉：我唔會有鬚㗎，我係女仔嚟㗎嘛！

力：我呢？

媽：你話呢？你係男仔定女仔呀？

力：（笑著，慢慢地吐出兩個字）熊 — 仔 — ？

一天，弟弟在尿片中便便，正在幫他清理時⋯⋯ 

力：媽咪 — 好臭呀⋯⋯

媽：咁點解你唔响廁所便便呢，大佬？

力：細佬⋯

我絕對可以想像到在不久的將來他會用完整的句子寸我，實在有乃舅父的風範。

爸：我條瞓覺短衭响邊呀？

只見細佬急步走到自己的床，拿起爸爸的短衭走回來遞給爸爸⋯

媽：邊個攞過去你張床㗎？

力：（一直用笑臉掩飾）人⋯⋯

又是他的舅父們對答的完美示範！

阿比一個週末因為不願做功課，令我和爸爸都大發雷霆。晚上臨睡前，我問和力⋯⋯

媽：頭先爸B媽咪咁大聲鬧家姐，你驚唔驚呀？

力：驚。

媽：咁你知唔知點解爸B媽咪要鬧家姐吖？

力：唔知。

媽：因為家姐唔肯做功課囉。

力：佢唔記得D字呀？

媽：係呀。

一會兒，我聽到加力在碎碎念：ah (A的讀音）、be (B的讀音）、ca、de、eh...... 我絕對相信，他是因為覺得家姐唔記得呢D ABC而俾人鬧，所以好想教她幫她一把...... 好搞笑！