急轉的小腦袋

一家人在甜品店正在吃朱古力心太軟⋯

力：嘩，佢流鼻血呀！

朱古力心太軟已經快速吃完，不留痕跡，所以只好拍張綠茶心太軟，相信加力會覺得佢在流鼻涕⋯仲要係發炎果隻⋯

婆：等我一陣去「樓上」睇下有無平嘢賣⋯

力：劉上尉呀？

細佬被兩位家姐拒諸房門外⋯

莉：你講密碼先啦！

力：密碼！

笑死我！真正的密碼是什麼我已經聽不下去了⋯⋯

一天，我與弟弟經過街上的狗糞收集箱，我又老師上身教他那是什麼來的⋯

媽：狗狗唔响屋企去廁所㗎，主人要帶牠到街上，牠在街上去，去完主人就要執起D poo-poo, 放落這個收集箱囉！

力：咁⋯用手執呀？

這個問題問得好！好有邏輯！我又下刪一百字的去解釋⋯

幾天後，弟弟先後兩次在遊樂場玩時在尿片中大便⋯⋯

媽：點解你今日响街上poo-poo,唔响屋企個廁所poo-poo嘅？

力：因為我係狗狗黎架嘛！

個腦真係轉得快，佩服！