媽媽對女兒的教導

這幾晚因為阿比病了，所以妹妹要被隔離，睡在我們房。一晚，我與老公睡前傾了一會兒，爸爸便要出去飯廳再戰書簿批改。我知妹妹未睡，跟她聊了一陣。

媽：我好鍾意同爸爸傾偈㗎！你第時大個都要搵個同你可以傾到偈的人做老公喎！

莉：咁可唔可以揀英俊同叻㗎？

媽：（失笑）可以嘅，如果佢都鍾意你嘅話。

媽：不過最重要都唔係英俊同叻囉！如果一個好靚仔又好叻嘅人，但個人好衰，咁都冇用啦！

莉：咁又係嘅⋯ 

媽：所以揀個人心地好係好重要囉，仲要同你傾得埋喎。你响學校有冇一D同學仔係傾唔到好好嘅偈吖？

莉：有吖！（舉了幾個例子）

第二晚，我又興起，想知妹妹還記不記得我昨天說了什麼⋯

媽：妹呀，你仲記唔記得媽咪尋日教你揀咩老公呀？

莉：（疑惑地）英俊同叻？

媽：唔係。（天呀！！！）

莉：讀書叻？

天呀！！點解仍然都是外表同頭腦？下刪了一百字向她再解釋多一次⋯

今晚，再多口問她，確認一下⋯

媽：你仲記唔記得媽咪教你揀咩老公呀？

莉：你話要個人心地好同可以傾到好多偈吖嘛！

呼！希望她長大後仍然記得這對話⋯