Wednesday, September 03, 2014

女兒們對將會有多一家庭成員的回應

答覆社工之前的那晚,我們跟兩個女說將會領養多一個孩子這消息。她們很興奮地回應我們,出乎我們意料之外。

爸:我地將會有第三個小朋友⋯
比:邊個生㗎?
女,你咁快就估到我們會領養?為何沒有想過是我生的呢?不過你真的問得很到point!

妹妹一直聽一直在點頭。問她有什麼感受時⋯
莉:我鍾意,我成日都想做big sister 㗎喇!
⋯⋯⋯⋯
莉:我好鍾意屋企有五個人㗎!
爸:點解鍾意五個人呢?
莉:因為我好鍾意⋯好似一個group咁!

知道及興奮過後,阿比慢慢的process了這消息,接連了每一點,看見了生母又再次放棄她的孩子。她哀悼了一輪,心𥚃口𥚃在問⋯
比:點解生母丟低我地兩個?
媽:生母都冇照顧你哥哥,佢冇能力照顧任何孩子⋯
哭著,她說⋯
比:我剩係想話你知我好唔開心,我唔想話俾爸B知。
女,多謝你信任我,你即管跟我說你的心事,我可以再轉告爸爸的⋯

但係佢process過後,她竟然說⋯
比:我會解釋俾弟弟聽。
媽:(會心微笑)弟弟仲好細個,你等佢大個先話佢知喇!
我很感恩,她柔軟的心在哀悼過後,找到出路,亦想起弟弟也有同樣的需要。我很感動!

看電視時,妹妹整個人躺在我的大腿上⋯
比:第時弟弟來咗,你就唔可以咁(瞓響媽咪道)㗎喇!
莉:我知呀!
媽:不過到時你地可以挨住我嘅!

另一天⋯
阿比問:唔知細佬似唔似我呢?
媽:或者喇!唔知㗎,我都未見過佢呀!
莉:咁唔知細佬似唔似我呢?
呢個阿妹真的很傻很可愛!

No comments: