Sunday, July 13, 2014

可愛窩心的比+莉

一晚,在睡前祈禱的時間,爸爸在討論睡覺多少與智力的關係⋯
爸:夜瞓,個人真係蠢D㗎!
莉:媽咪,真係架咩?
媽:係㗎!
我們又繼續傾了一些其他嘢。突然我發現妹妹不在我們當中⋯原來她已火速躺在牀上,還蓋好被!
媽:你唔想自己變蠢,所以要快D瞓覺呀?(妹妹揉著眼睛點頭)
真可愛,這個女孩覺得聰明比任何事都重要!

另一晚,同樣時間⋯
爸:我睇返D相,覺得你細個個樣好可愛,特別係兩歲東菇頭嘅時候⋯
莉:我唔係東菇呀!
爸:咁你係草菇喇!
莉:我都唔係草菇呀!
媽:咁你係乜嘅呀?
莉:我係金菇囉!
爸媽:!?點解呀?
莉:因為金菇好長咁dum落嚟,好似長頭髮咁⋯

一天,妹妹在告訴我們在學校的事⋯
莉:今日XXX喺學校嘔呀!
媽:咁慘呀!咁你地點呀?
莉:我地咪即刻走開哂囉!
她真是一個懂得明晢保身的孩子⋯

學期尾,阿比把握機會去問那個這個學年差不多日日都在大圍站見面的婆婆她是不是基督徒,原來婆婆也是個基督徒!阿比開心之餘,卻又露出失望的神情。
媽:點解唔開心嘅?
比:因為我婆婆都未係基督徒⋯我都好想我婆婆信耶穌呀!

我心很感動!阿比真是一個單純的女孩,真心希望她愛的人也跟隨主耶穌!

No comments: