口齒伶莉

一家人出門口，爸爸例牌很多嘢搞，未出到門。阿比見電梯快到了，心急起來⋯

比：爸B，快D、快D、快D⋯

莉：（一臉從容冷靜）你唔嘈佢佢就快D㗎喇！

最近嫲嫲給妹妹買了一個小足球，妹妹使盡勁的在家中練習，過了一段長時間，我看見妹妹蹲下、捉住自己的腳面説：

係咪好痛呀？你要努力忍住呀！（擬人法的演繹）

一晚，妹妹拿出一塊地墊放在客廳地上⋯

媽：你又野餐呀？（她之前也試過在客廳野餐）

妹：係呀！

媽：咁夜先嚟野餐？日頭先野餐㗎噃！

妹：我住喺美國㗎！

媽：（失笑中）哦，住喺美國所以係日頭呀？（轉數快得佢！好彩我都唔弱，跟到佢思維模式）