伶牙俐齒的妹妹

一晚，我們一家坐了叔叔的便車...
莉：嘩，架車坐咗咁多人嘅？咁會好重㗎喎！
我與爸B在咋舌，原來阿妹可以把人多與重量拉上關係，很期待看著她將來智慧的增長！

有一次妹妹在沖涼房，我已忘了是在讚她做了些什麼時，她竟然說...
莉：我諗好多嘢㗎！我有腦㗎嘛！

爸：哈，你有冇高到呢？
莉：我會好快「成長」㗎喇！

一晚祈禱時，家姐例牌為屋企唔要曱甴祈禱，佢仲加咗句：請你唔好再造（曱甴）啦！我忍唔住笑了出聲來。祈完禱，妹妹跟家姐說...
莉：你祈得好好，不過媽咪笑啫！
我與爸B相視而笑...
爸：俾佢捉到（笑位）添！
莉：「祝」你生日快樂，祝你生日快樂~~~（如是者唱了生日歌三次，分別用廣東話、英文、普通話唱）
雖然很無厘頭，但我很喜歡妹妹這 word play!