家有一個讀心理和社工的媽媽

一天，妹妹上完廁所，很暢快⋯

媽：你覺得上完廁所開心D定係食到好嘢開心D呀？（我知我很奇怪 -- 心理學學生oral stage and anal stage 的情意結）

莉：去完廁所⋯

媽：（興奮地）原來你同媽咪都係一樣㗎！

這個傻媽媽竟然很興奮女兒像自己在anal stage而不像爸爸在oral stage... 真變態！

半夜，妹妹走過來我們的主人房⋯

莉：媽咪，我瞓唔著呀，我唔想返學呀⋯

媽：點解唔想返學呀？

莉：因為我唔想再做組長啦！執完書包放完書包入房就要收簿，好忙好辛苦呀！

媽：係咪你好擔心自己咁忙咁趕就會漏左野響書包又要問准老師去拿，會好尷尬呀？（我記得她分享過）

莉：係呀！

媽：咁又係幾擔心嘅⋯ 咁如果我們一早就把所有要用的書和用品放在一個內袋中，可以幫到你嗎？

莉：可以⋯

媽：我地遇到困難就可以用下我地個腦袋去想辦法囉！

當我還在思想妹妹會唔留在這裡一起睡之際，她爬下床⋯

媽：咦，你唔留響道瞓哪？

莉：我大個啦！

媽：咁你仲會唔會瞓唔著㗎？

莉：唔⋯我諗唔會啦！

看來這女兒跟普遍女性一樣，講左出來舒服哂就睡得著了！估唔到半夜三更也可以做到個counseling session!不過效率當然與彼此關係是否密切、我有多熟悉她的性格和她有多信任我大有關係吧！