Sunday, September 29, 2013

語言的藝術

近來四歲的妹妹常常有很多問題:

媽咪,乜嘢係拍拖呀?
乜嘢叫做粗心大意呀?
乜嘢係underline 呀?
媽咪,乜嘢叫做弊家撩呀?

通常這些都是妹妹日常或在課堂中聽到的字詞,她心中記下了,回來再問我們。我每次聽到這些問題都很興奮,因為我知道妹妹又透過這些問題去明白這世界多一點點。我也儘量用適合四歲孩子可以明白的語言邏輯去解釋⋯

拍拖即係兩個人好愛對方,就出多啲街,多啲相處,再決定結唔結婚一齊生活囉!
粗心大意即係唔夠小心囉!
Underline 即係啲字下面有條線。
弊家撩即係弊啦、死火咁囉。

除了用最適合孩子年齡的說法去跟他們說話,我也會借機會去影響他們對事物的看法,灌輸我希望他們得到的價值觀。例如現在我每朝早上送家姐上學的路程,有很多寶貴的時間可以傾談。有一天,在車箱中看見一位唐氏綜合性的成年人,家姐當然滿腦子問號!下車後,我問家姐:

媽:你係咪想問我關於頭先果個人嘅嘢呀?
比:我覺得佢個樣有啲怪呀。
媽:佢出世時已經有個病,所以個樣有啲唔同囉。

其實原本孩子是一張白紙,對其他人沒有像我們大人的偏見。他們只是看見或聽見我們的偏見,才慢慢建立了自己的偏見。假若可以,我們多用一些正面的言語去討論,就可以令孩子更包容更正面的看這世界。

還記得家姐以前有一個朋友仔在單親家庭長大。
比:XX係咪冇爸爸㗎?
媽:(假如不加思索的話,我一定會答係)佢都有爸爸嘅,不過佢爸爸唔係一齊住啫。
比:點解唔一齊住嘅?
媽:可能佢爸爸媽媽鬧咗交,唔想再一齊住喇!

最有意思的回應是在當我們還在溫哥華的時代,家姐看見我們熟悉的校役耳朵帶著助聽器,指著問他那是什麼(我們尶尬得要死)。校役不慌不忙的答到:

你看見你媽媽要戴眼鏡嗎?她是看得不清楚所以要戴眼鏡幫助她;我耳朵聽不清楚所以要這個耳機幫助我。

這個正面的回應,令我畢生受用。

No comments: