每當妹妹覆述學校所學的，都令我們很咋舌又興奮...
莉：開篷巴士有另一個名，又叫做觀光巴士。
莉：紅蘿蔔又叫做甘筍。
莉：腓力，又可以叫腓利，即係爸B 個名囉！
晚上砌積木時又細心地分了交通燈 (紅黃綠) 和人像（行人過路）(紅綠) 燈！佩服她上課的專心與記性！
莉：我隻腳板好痕。
媽：我唔想用手幫你抓，咁污糟！
莉：咁你用你隻腳幫我抓咪得囉！
@_@
早上飲完奶，我們叫妹妹抹咀。只見她未用紙巾前用舌頭狂舔口唇...
媽：你又用咀唇抹咀呀？
莉：唔係呀，我怕（奶漬）會乾咗，所以咪濕下佢先囉！
好喜歡從孩子的提問看見他們的邏輯 --
比：點解你成日都可以話事嘅？
我：第時大個做媽咪咁咪可以話事囉！
家姐最近對加減數很上心，連妹妹也感染了...
莉：媽媽名字 + 爸爸名字 = 阿比名字 + 艾莉名字
比：阿比名字 + 阿比名字 = 兩個阿比囉！
比：媽咪呀，天父識唔識日文㗎？
媽；識！
比：（興奮）好嘢！下次見到天父咪可以叫佢教我日文囉？！
有這個咁強勁嘅日文老師，或許唔駛三個月就可以學成外語！
No comments:
Post a Comment