感動的兩對話

最近有機會帶女兒們到我工作的院舍，之前跟阿比有很特別的對話...

媽：聽日我地會去嘅地方，有好多小朋友一齊住，果D小朋友都係生父生母照顧唔到佢地，院舍有D姨姨叔叔幫手照顧住佢地先囉。
比：咁你幫佢地搵領養（家庭）呀？
媽：係呀，我幫其中一D搵領養爸爸媽媽喇！
比：我都要做領養！
媽：你想將來領養小朋友定做領養社工幫人搵領養家庭呀？
比：我想做社工幫人領養！（轉念一想）但係我又要做飛機人喎（做空姐是她一直的夢想）咁都可以一路做飛機人一路做社工嘅。
媽：都可以做幾年飛機人，之後就做社工都得嘅。
比：（一臉正經）不過幫人搵領養重要D喎！

我聽到阿比這句話好感動，感謝天父給她一個柔軟的心去想幫人，我深信她會是一個很好的社工，加上她自己的親身經歷，一定可以祝福到很多領養家庭！我等著你來接棒！

我們沒有機會與院舍的孩子接觸，不過我讓妹妹看看孩子們的睡房睡床...

媽：有D小朋友生父生母照顧唔到，就暫時住喺呢道，有姨姨叔叔照顧住佢地。
莉：（看著那些小床）咁佢地會唔會驚架？

係架，佢地梗係會驚喇，我好高興你會懂得從別人的出發點去感受其感受。又在感動中...