我們用的牀單是麥嘜的圖案，一晚，阿比在認字...
比：春.田.花.花...乜嘢園呀？動物園呀？（其實又幾 logical嘅，成班豬呀鵝呀牛呀，仲唔係動物園？）
媽：咁你每日返邊道㗎？
比：返學。
媽：咁你返學係返乜嘢園吖？
比：... 動物園？
（唉，原來每個月千幾蚊送佢去動物園... 滴汗中...）
昨晚我們在討論蝸牛，妹妹說蝸牛慢呑吞...
比：食雲呑食得好慢呀！
可能對很多同齡的小朋友是很早就會很輕而易舉的事，但阿比可以做到 word play, 是另一個層次，值得感恩記念呢！，
上回講到妹妹在學校安慰哭道的同學仔...
媽：XX仲有冇喊呀？
莉：有呀？
媽：咁你有冇安慰佢呀？
莉：冇呀！
媽：㸃解你唔安慰佢呀？
莉：都冇用！
我相信她很快就體會到「人生中有很多事都是徒勞無功的」這道理！
昨日，我又問她...
媽：今日XX有冇喊呀？
莉：冇呀！
媽：咁好，咁係咪好開心呀？
莉：不過佢有「喊樣」...
No comments:
Post a Comment