Saturday, January 21, 2012

M&M 姊妹傻氣笑語集 (二)

創世的故事
爸:以前啲獅子唔咬人架,不過人犯罪之後就咬...
比:咁我地呢?
爸:我地咩呀?
比:我地會唔會咬人架?(咁你有冇咬妹妹呀?)
___________________________________
爸:天父話所有樹上嘅果子都可以摘來食,只係一棵樹唔得。
比:咁我地唔會摘架喎,我地可以去買架嘛!(阿比真的一個名副其實的 city girl)
_______________________________________________________
爸:呢條蛇會講嘢架...
比:~sssssssssssss~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有一晚,爸 B 倦極倒頭便睡,鼻鼾聲有點大... 妹妹爬上床,望著爸 B 良久...
莉:爸 B 唔好咁嘈喇!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有一天,媽媽和艾莉在爭論這個暖包是否食得...
媽:暖包唔可以食架,食咗會死架!
莉:但係石頭食得架喎!
雖然石頭唔係真係食得,我已經被她的認字能力嚇親 -- 原來未夠兩歲半已經認到個中文「石」字!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
電視上娥羅納英膏的廣告,結尾時 VO 說「錫哂你」,畫面出現一個小孩面上有一個白色心心。昨晚妹妹在搽娥羅納英時...
莉:我想要整心心呀...
跟住在面上用 cream 狂劃心心... so cute...

No comments: