阿比生日，臨睡前我們在祈禱。
媽：你想唔想為你生父母祈禱呀？
比：想。
媽：咁你想為佢地祈乜嘢呀？
比：我想佢地唔好喊。
媽：係咪唔好為咗掛住你而喊？
比：係。
媽：咁你會唔會喊呀？
比：唔會，因為我會再見到佢架嘛！
真好，縱使我唔知將來係唔係真係有機會搵得到或見面，至少阿比知道爸媽願意俾佢同生父母見面。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
在地鐡上....
媽：你個鼻好靚。
比：媽咪呢？
媽：媽咪個鼻冇你咁靚。
比：妹妹呢？
媽：妹妹對眼靚。佢對眼似爸 B 嘛。
比：咁我呢？
媽：你個鼻可能似你生母呢！你生母個鼻可能都係咁靚架。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
看相簿時，看到妹妹出世時的照片...
爺：(對妹妹說) 你出世果日，媽咪好痛好辛苦架，你要多謝媽咪呀！
比：咁我呢？
媽：你要多謝邊個呀？
比：生母囉！
比：生母生我嘅時候係咪好痛架？
媽：我唔知呀！可能喇！
比：我唔想生 BB 呀！我唔想痛呀！
正當我還以為她會繼續想起生母之際，她竟然想起自己怕痛唔想生仔！真搞笑！又一次證明父母不應把很多「順理成章」「理應如此」硬套在孩子身上。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有一天晚飯時，我們一家人在討論可否捲舌這技能，能否捲舌其實是在於父母的遺傳。當我們逐一嘗試：婆婆做到，公公做不到；媽咪做到，爸 B 做不到；舅父做不到，妹妹做不到...
比：我做得到！
媽：(即時反應) 但係唔關事喎... (我的意思是你做到同我們的遺傳因子沒有關係)
也不知是我太敏感抑或阿比真的有點失望，她聽後靜了下來。我實在不是故意讓她覺得被 left out，只是一時心直口快...
媽：可能你生母做到所以你都做到呢！
阿比聽罷又重現笑容，好像發現了新大陸一樣！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
機構出了一本新書，所以星期六早上我要 OT，開發佈會。
爸：咩書黎架？
媽：一個領養媽媽寫佢嘅故事...
比：我哥哥係唔係 P1 喇？
媽：應該唔止喇，佢應該大過你幾年架。
令我很驚訝的，是阿比可以如此快把我口中所說有關領養的事 (也完全與她無關的)立即聯上了自己的領養,而想起她的親生哥哥。更好的，是她絕不猶疑的說出來，讓我知道她正在想起她的親生家庭。
No comments:
Post a Comment