昨日與阿比一起利用 mytv 看上星期的「法證 III」，看到一幕男主角要跟太太離婚，其七八歲的女兒邊哭邊跟媽媽說要她看看她的畫。我與阿比都看得很傷感。我心中也有感動，不斷趨迫我要問一問她的心事...
媽：你有冇想起你的生母？
比：我唔想講。
媽：我諗，你嘅生母同你 say goodbye 嘅時候都係咁唔開心。(我說
的時候，我的眼淚也大滴大滴的流下來，因為我想起生母她的痛她的不捨)
比：我唔想呀！
媽：你唔想講抑或唔想佢走呀？
比：我唔想你走！
媽：我唔會走架！我會陪你架。
比：我唔想生母走咗。
媽：係好慘，好唔開心架。
比：我唔想生母、哥哥走... (我看到她那大大滴眼淚，我也更想哭 -- 我心痛她的心痛)
媽：媽咪知道，媽咪都好唔開心...
比：我都想俾幅畫生母... (好明顯她代入了戲中的情節)
媽：如果我哋搵到佢哋嘅話，可以俾佢嘅。
兩母女也不是哭了太久，阿比又想起要打電話給外婆告訴她我們快要出門去她的家...
昨晚，與她做功課時，她用了這些字詞去介紹自己... 我知道，生母與哥哥對她來說是很重要的...
No comments:
Post a Comment