看功夫 Panda 後與阿比在洗手間中的對話...

你知道功夫熊貓阿寶是被領養的嗎？我也是最近才知道...

今天與阿比和好友去了看功夫熊貓 2，很有意思的一部片，特別是在討論阿寶如何在被遺棄的痛苦過去中找到其自我價值。更珍貴的，是我與阿比在戲院廁所中的一段對話...

媽：你頭先見唔見到阿寶都有生父生母架？
比：見到！
媽：不過佢地擺咗佢喺個菜籃道，因為佢地愛阿寶，唔想佢死。
比：(點點頭)
媽：所以阿寶會有唔開心，因為以為生父生母唔要佢囉。你呢？你會唔會唔開心架？
比：唔會！(答得很爽快)
媽：點解唔會唔開心嘅？
比：因為有爸 B 媽咪陪我嘛！

立即興奮得攬住佢錫佢一啖！佢拿到重點喇！作為她的領養媽媽，我的心正正如那懂預言的羊大嬸說：「你的故事雖然有一個唔係太開心的開頭，但最重要嘅係，你點樣選擇做一個點樣嘅人！」爸 B 媽咪永遠愛你，支持你去找你的價值！