熊貓後記...

功夫熊貓後，討論生父母沒止於此，可能是阿比有思想戲裡的東西，也可能是我沒有放過這難得的機會去問她。

有一天午睡前，阿比說起她睡覺時會發夢。我問她一大堆有沒有夢見爸 B 媽咪妹妹之類，當然也有問她有沒有夢見生母...

比：我有冇生母架？

媽：有，你唔記得咗咩？(我點會唔知佢只係想打開話題...) 不如我地睇下生父生母張相？

看著看著...

比：我想要佢地，唔要你地呀。~~ 好在我因工作關係，一早已經知道 adoptees 會這樣說，心中也有千百次 mental preparation 如何回應，但我真的感受到，對於領養父母來說，仍然是很震撼的~~

媽：你好掛住佢地，好想見佢地，係咪呀？ ~~ 我嘗試 reframe 她內心的渴望 ~~

比：係。但係我都想一 (指著生母)、二 (指著生父)、三 (指著自己) 一齊住呀！

媽：其實我都唔知佢地仲係唔係一齊住...

比：點解呀？

媽：唔知架。我地都嘗試寫過封信俾佢地，但係佢地已經唔係喺果道住。

比：我想搵佢地喎。

媽：你可以寫信俾佢地，睇下搵唔搵到喇！

比：我想「痴」住佢地，唔想同你地一齊。

媽：你其實可以有兩個爸爸兩個媽媽架！你係我地嘅囡囡，亦都可以同時掛住生父母，我知道，佢地都唔會唔記得你架。

媽：不過我地都唔會唔要你架！你永遠都係我地嘅囡囡，唔會走架！

整個對話阿比都很平靜，也沒有太激動，亦一點也不是在說些氣話去挑戰我的權威，所以我真的相信，她當時真的很想見生父母，亦不知道可以兩對父母同時兼得，所以會說出「要他們不要我們」的說話。一再反思時，越感到事前的心理準備是極重要。作為領養父母，不要再心存僥倖，要正視及面對孩子對領養家庭及生父母的愛恨心情。這些言語，五歲不發生，十歲時可能會，再不然，十五歲也有可能，避也避不了多久，不如好好的預備自己如何可以反應得不太震驚吧！

另一個重要的因素是我們作為領養父母的 entitlement -- 因為經過四年多的相處，我們的關係密切得我知道她知道我們不會放棄她，我們的父母女兒關係是一生的。所以我並沒有害怕假若她去找生父母的話就會不認我們，我知道她知道我們是很愛她，她也很愛惜我們。作父母的 entitlement 及與子女的關係親密與否，原來很關鍵！

兩天後，阿比想到了一個兩全其美的方法...

比：媽咪呀，我地 (即包括生父母) 一齊住呀！ ~~ 囡呀，我好欣賞你的創意及解決問題的能力，一齊住就有啲惡搞，可以的話不如就多啲見面喇！~~