加力的志願與邏輯

最近艾莉愛上了哈利波特，連帶弟弟也常常掛在口邊。有一天，他很認真的跟我説⋯⋯

力：媽咪呀，我第時想讀魔法學校呀！

假若霍格華茲肯收你便好了，我們不用為你考小一而煩惱了⋯ 媽媽發夢發得太早了，霍格華茲可是一間魔法中學呢！

加力一直覺得自己不懂得畫畫，最近找了一些簡易畫畫書讓他一步一步畫，他畫得很有成功感⋯⋯

力：我畫畫越來越叻，我第時想做 · 科 · 學 · 家！

我停了半响⋯ 究竟科學家同畫畫有乜嘢關係呢？唔通佢以 Leonardo Da Vinci 為佢偶像同目標？

一天晚餐時，大家在討論「減肥」這課題⋯⋯

爸：「減肥」嘅相反係咩？

力：「減瘦」！

其實佢嘢邏輯也很合理⋯⋯

一天接細佬放學，在巴士上他玩起開餐廳⋯⋯

力：你食乜嘢呀？

媽：你間舖頭賣乜嘢食㗎？中菜？西餐？定日本嘢呀？

力：韓國嘢！

韓國Oppa又真係應該開韓食店嘅⋯⋯

午餐後我跟孩子們説我要去買麵包⋯⋯

比：點解要買麵包呀？

媽：因為今晚食逾越節晚餐囉！

力：吓，愚人節？

愚人節要多過於三天才到⋯⋯

午餐在茶餐廳⋯⋯

力：不如你叫「珍珠肉」吖！

媽：乜嘢係「珍珠肉」呀？

力：咸蛋珍珠肉呀！

原來是咸蛋蒸豬肉！呀仔，你係乜嘢鄉下㗎？你鄉下一定係「譚仔」啦！

弟弟很喜歡看的一套卡通片，裡面有一隻烏龜，名叫卡露蓮⋯⋯

力：（發現新大陸）卡露蓮咪係女仔嚟嘅，但係佢個殼後面有「啫啫」㗎！

看來他需要上一課烏龜的身體結構自然課⋯⋯

前陣子流感肆虐，家中放了一個切開了的洋蔥。幾天後，洋蔥發了芽⋯⋯

力：你唔好攪佢呀，如果唔係佢D芽會食咗你同D細菌㗎！

原來洋蔥嘅芽有這個功效⋯⋯