令人目瞪口呆、啼笑皆非的對話

妹妹有一日睡了一個很晏的晏覺，不願起來。後來因為我們會去吃甜品而終於肯起床。正在津津有味吃甜品時⋯

莉：好好味⋯

比：好彩我叫醒你咋！公主叫醒公主呀！

莉：定係工人叫醒公主呀？

阿妹，咁寸咀唔係個個都承受得到㗎⋯⋯

在巴士上有一個有白色長羊咩鬚的男人在我們眼前⋯

力：我見到耶穌呀！

媽：佢似耶穌咩？

力：好多毛毛呀！

如果真係響巴士上見到耶穌就真係令人感動啦！

又在巴士上，巴士正在掟個靚又大的彎，加力差點坐不穩⋯

力：（叫巴士）唔好郁啦！

最近，發現加力可能很有語言天份，他好幾次的神來之筆都讓我目瞪口呆⋯⋯

三姊弟在看多啦A夢，小夫在説食物很delicious...

媽：知唔知乜野係delicious呀？

比：即係好味囉！

媽：咁你地知唔知delicious嘅日文係乜？

力：oishi! (差不多發音吧）

！！！！！！

媽：知唔知Oppa即係乜？

力：即係哥哥！

我記憶中好似只係在一次吃晚飯期間與女兒們討論過一次，呢個豬仔可能就這樣記住了⋯