窩心的兩對話

一天，阿比跟一友人姨姨傾偈，我只聽到下半部份，我估計對話應該如下：

比：點解你地冇小朋友嘅？

姨：天父冇俾我地囉！

比：咁你可以領養格！

姨：係，不過天父未call我地去做呀。

感恩她真的覺得領養是一件很好的事，而且是正常不過的事，所以會向身邊的人推介。

有一天兩母女在廁所內談心⋯

莉：我記得有一次我上廁所流眼淚時（註：這是她經常出現的反應），你叫我唔好喊！

媽：係呀？

莉：不過我知你同我講笑咋！

媽：梗係喇，如果你真係喊嘅話，我係唔會叫你唔好喊㗎，我會叫你想喊就喊出來喇！

莉：點解呀？

媽：因為如果唔開心想喊既時候，唔俾喊咪仲辛苦，所以喊出來係好㗎！

今天，忘了細佬為什麼哭起來，我聽到艾莉在安慰她⋯

莉：想喊就喊出來喇⋯

感動中⋯