M&M 姊妹傻氣笑語集（四）

一晚祈禱時，爸爸說要為一個失業中的朋友祈禱...

比：咁佢而家喺街道訓呀？

究竟是誰向她灌輸沒有工作=沒有收入=要瞓街呢？我們應該冇咁講過架... 或者是電視吧...

電視上有一幕有放煙花的景象...

莉：嘩！西蘭花呀！

我哋眞係忍唔住爆笑...

一兩星期後，爸媽在討論香港的杜鵑花跟溫哥華的櫻花有否可以媲美時...

莉：西蘭花？！

原來在孩子的眼中，還是西蘭花最美！又望得又玩得又食得！

一天與嬸嬸堂細佬去完公園後，到麥當當食雪糕。一路上阿比與艾莉在討論想吃哪一款雪糕...

莉：我想揸住個「胸」（cone) 喎！

一天...

妹：我係咪上晝班呀？

媽：係呀，你九月會返上晝班！

婆：咁家姐呢？家姐返乜嘢班呀？

妹：落「咒」班

乜我同阿比報了Harry Potter 果間Hogwarts School 咩？不過小朋友的邏輯真可愛...