艾莉物語 (四)

上星期一，我們拍拖慶祝求婚十週年。回家時艾莉看到我拿著爸 B 送的花...

莉：媽咪爸 B 結婚呀？

原來在她腦袋裡 --- 捧花 = 結婚

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

週六去了一個婚禮，艾莉看見台前的新娘披著頭紗...

莉：點解遮住嘅？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

當她看到新人簽婚書時，枱上有兩支洋燭...

莉：蛋糕呀！

原來洋燭 = 蛋糕

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

在禮堂外，艾莉在享受著捧捧糖。她指著遠處的山頭...

莉：馬鞍山喎！

媽：果道唔係馬鞍山，果道係獅子山。佢似唔似 lion 呀？

莉：果啲係石頭喎！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

星期日晚在一個 party 裡，艾莉拿了一個黑色的氣球，要求我幫她吹。吹漲後，我把氣球放在她手裡，她一臉疑惑...

莉：點解變咗紫色嘅？

因為原來果個唔係黑色波，是一個深紫色波...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

當晚離開時，艾莉抬頭看見月亮，興奮得要向每一個朋友都要介紹一次。未己，又很不明白的問...

莉：點解唔係圈圈嘅？ (即點解月亮不是圓的？)