今天與阿比在家看了一套歌舞劇，叫 Annie。其實一直都只知道這是一個關於孤兒的故事，不過直至我在 public library 看到並借來，才有機會看。
戲裡很可惜是把孤兒院 portrait 成為一個很黑暗的地方，院長是個很可惡的，沒有專業操守的女人；而可愛的孤兒最終被那個億萬富翁領養了也是太 dream come true！但當中講的領養也很正面，領養爸爸無私地出面替孩子找其生父母這個意義對被領養者來說是很重大的肯定。與阿比一起看這戲，也給我有個機會去跟她討論「尋找生父生母」這課題，是我始料不及，卻很慶幸可以做到...
比：佢地做乜嘢？
媽：叔叔想幫姐姐搵生父生母，呢啲人黎話自己係姐姐嘅生父生母囉！
比：咁我呢？
媽：你係咪想問你嘅生父生母喺邊呀？
比：係。
媽：我地曾經寫過一封信，寄俾佢地，但係佢地已經唔喺果道住，搵唔到喇。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
比：點解要追嘅？
媽：衰人假扮姐姐嘅生父生母，捉咗姐姐，叔叔咪要追佢地，救返姐姐囉！
比：點解會扮嘅？
媽：佢地衰囉，知道姐姐要搵生父生母，咪想扮佢生父生母去呃叔叔啲錢囉！
比：(忽然好擔心) 我唔想搵呀！
~~我便知道她錯誤地 link up 咗衰人 = 生父生母...~~
媽：呢啲衰人唔係姐姐嘅生父生母，佢地扮架咋！姐姐嘅生父生母已經燒死咗。你嘅生父生母唔係衰人呀，係好人黎架。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
比：好驚衰人捉咗...
媽：衰人捉邊個？衰人捉阿比？
比：係呀...
媽：你係咪想起戲裡面嘅衰人呀？
比：係呀...
媽：果啲衰人唔係姐姐嘅生父生母，佢地扮架咋。
比：好驚搵到，捉咗去...
爸：你係咪怕生父生母黎搵你呀？
比：係呀...
媽：唔駛驚，就算你同佢地有機會見到都唔駛驚，佢地係好人黎架嘛！而且媽咪爸 B 會保護你，唔會同你分開！知唔知？
比：知！
媽：咁仲驚唔驚呀？
比：唔驚！
臨睡前，我們問她想不想為生父母祈禱，她說想。她又問我可不可以看在她 baby book 裡生父生母的相片，我說當然可以！就這樣看著，祈禱，在床上我又再提她「爸 B 媽咪會陪住你，我地會一齊架」。希望聽過了我們的 assurance 她不會再害怕！
有人會說，何必要與她看及說這些令她不安的東西呢？其實宜家唔講，遲啲大個啲也可能會遇到或感覺到或思考著。當她真的在思考著，卻又未必一定會想或敢或有機會跟我們說，內心的恐懼只會永遠是恐懼，問題永遠停留是謎團。現在我們可以拆解、解釋和給予重新肯定，不是最穩妥的做法嗎？
No comments:
Post a Comment