我們的問題小女！

今天早上崇拜時，看著程序表上的日期，突然醒覺是阿比領養令被頒下的三週年！亦即是她來了我們家已經三年半了！為何這三年半好像發生了許多許多事似的？還記得去年與嫲嫲在北溫買了杯雪糕慶祝，今年亦照樣，用一個雪糕筒去慶祝！

這個可愛的小妹妹，最近做了問題小女，不斷的去問「點解」。我明白這是一個成長必經的階段，亦藉著這些問題及答案，她可以更明白這世界而成長得更多。但有時，我實在不太懂得回答...

例如，有些問題，究竟要解釋得幾深入呢？解釋得深入又會太深奧太複雜，解釋得簡單又好像未可以說得明白...

點解個天會落雨嘅？(阿女你 ready 上一堂小學自然科學課嗎？)

(電視劇中女主角未婚有了 BB) 點解姐姐會有 BB 嘅？(我應該解釋 BB 是從何來還是為什麼姐姐會未婚懷孕呢？)

有時，有些問題實在沒有答案，冇得解... (正如神說：I am who I am 一樣)

點解 xxx 住咁遠嘅？

點解妹妹咁錫我嘅？

又有時，她是在明知故問，她明明知道答案，仍然要問...

點解 xxx 頭先喊嘅？(她明明看著整件事情發生的...)

點解我有粒糖嘅？...... (半响，見我沒有答她，自問自答說) 姨姨俾我嘅囉！

又或者，重覆又重覆問同一個我之前已經解釋過的問題...

我對付這些明知故問的問題就是等，等到她自己答返自己；以及問返佢「點解呢？」，佢就會自動講個答案出來。

更有時，她的妙問妙答又真係... 笑死你！~~

自問：點解爸 B 要去 poo-poo 嘅？ 自答：佢食好多嘢呀？

不過最好笑的，還是我們一個朋友的經歷 -- 她有一個問題小男在家 ~~

一天，仔仔在問「點解」，媽媽亦很好脾氣地逐一回答。可是，當他問到第 n 個問題時，媽媽終於忍不住...

媽：你唔好再問喇！

仔：點解唔可以再問呀？